ٹرمپ نے کانگرس کو تین ہزارامریکی فوجیوں کی سعودی عرب میں تعیناتی بارے آگاہ کردیا

امریکی صدر ڈونلڈ ٹرمپ نے کانگرس کو باضابطہ طور پر 3000 امریکی فوجیوں کو سعودی عرب بھیجنے کے بارے میں آگاہ کردیا ہے۔غیرملکی خبررساں ادارے کے مطابق ٹرمپ نے کانگرس کو لکھے گئے اپنے مکتوب میں کہا کہ ایران خاص طور پر تیل کی تنصیبات کو نشانہ بناکر خطے کی سلامتی کے لیے خطرہ بنا ہوا ہے۔ایران کی مدد سے حوثیوں نے گذشتہ ستمبرمیں سعودی تیل کمپنی آرامکو کی تنصیبات پر حملے کیے تھے۔ٹرمپ نے اپنے خط میں کہا کہ جیسا کہ میں 22 جولائی کو بتایا گیا تھا کہ ہم نے ایران کے جارحانہ سلوک کا مقابلہ
کرنےکیلئے سعودی عرب میں مزید فوج بھیج رہے ہیں۔انہوں نے مزید کہا کہ میں نے خطے کے دفاع کو مستحکم کرنے اور ایرانی اشتعال انگیزی کی روک تھام کیلئے امریکی فوجیوں کی تعیناتی کا حکم دیا۔صدر نے کانگرس کو لکھے گئے مکتوب میں کہا کہ پہلے سے موجود فوجیوں کے علاوہ سعودی عرب میں مزید تین ہزار امریکی فوجی تعینات کیے جائیں گے۔ٹرمپ کا کہنا تھا کہ سعودی عرب میں اضافی فوج کی تعیناتی کیساتھ مملکت کے دفاع کو مضبوط بنانے کیلئے راڈار اور میزائل نظام بھی شامل ہیں۔

Leave a Reply

Your email address will not be published. Required fields are marked *