میں نے کچھ عرصہ قبل خودکشی کی کوشش کی تھی

پاکستانی نژاد برطانوی و امریکی اداکارہ لکھاری و ریڈیو میزبان جمیلہ عالیہ جمیل نے انکشاف کیا ہے کہ انہوں نے چند سال قبل اپنی زندگی اپنے ہاتھوں ختم کرنے کی کوشش کی تھی . تاہم خوش قسمتی سے زندہ بچ گئی تھیں . 33 سالہ اداکارہ نے یہ اعتراف دماغی صحت کے عالمی دن کے موقع پر اپنے ایک ٹوئٹ میں ان کا کہناتھاکہ شدید نفسیاتی مسائل کا شکاررہی ہوں اور ماہرین نفسیات سے علاج بھی کرایا..انہوں نے ٹوئٹ میں لکھا آج عالمی دماغی صحت کا دن ہے، اسی مہینے 6 سال قبل میں نے خودکشی کی کوشش کی تھی .

کیونکہ انھیں ہولی وڈ میں کیریئر شروع کرتے وقت نسلی اور صنفی تعصب کا نشانہ بنایا گیا. ان کا کہنا تھا کہ اب میں آپ سب پر زور دیتی ہوں کہ ذرا زیادہ وقت تک رکیں اور ضرورت پڑنے پر مدد کے لئے رجوع کریں، کیونکہ حالات کبھی بھی بدل سکتے ہیں.کچھ عرصے قبل اداکارہ نے یہ بھی بتایا تھا کہ انہیں 2 بار کینسر کا سامنا ہوا تھا اور اس کی وجہ سے وہ عمر میں اضافے پر شکرگزاری محسوس کرتی ہیں.17 سال کی عمر میں گاڑی کے حادثے کے بعد ان کی ریڑھ کی ہڈی کو بھی نقصان پہنچا تھا جبکہ وہ شدید فوڈ الرجیز کا بھی شکار رہ چکی ہیں.رواں سال اپریل میں انہوں نے ’کوچیلا میوزک فیسٹیول‘ میں ایک سیمینار کے دوران خطاب میں انکشاف کیا کہ انہیں ایسے وقت میں صنفی و نسلی تعصب کا نشانہ بنایا گیا

جب وہ پروفیشنل کیریئر میں کچھ تجربہ حاصل کر چکی تھیں.فیشن میگزین ’ہارپر بازارا‘ کے مطابق جمیلہ جمیل نے خطاب کے دوران بتایا کہ وہ جب برطانیہ سے امریکا منتقل ہوئیں اور ہالی ووڈ میں کام کرنے کی کوشش کر رہی تھیں. تب انہیں صنفی و نسلی تعصب کا نشانہ بنایا گیا.جمیلہ جمیل کا کہنا تھا کہ انہیں بتایا گیا کہ وہ انتہائی قبائلی، موٹی اور عمر رسیدہ ہیں.برطانوی و امریکی اداکارہ نے کہا کہ اگر وہ لوگوں کی ایسی باتیں سنتیں تو آج یہاں نہیں ہوتیں.انہوں نے خواتین کو مشورہ دیا کہ وہ لوگوں کی باتوں پر دھیان نہ دیں اور محنت کے ساتھ آگے بڑھتی رہیں.

Leave a Reply

Your email address will not be published. Required fields are marked *